無綫女藝員殷櫻與五位朋友合資的美容院昨日開幕，吳浩康（Deep）與女友莊思敏煙韌出席，同場還有美味天使及無綫監製錢國偉等做嘉賓。吳浩康否認與莊思敏因逼婚而嘈交：「咁傳法對莊思敏唔公平，我係有計劃三年內結婚，但佢都唔一定要嫁我吖！（求過婚未？）我仲未Ready好，不過第時我會當眾求婚，用群眾壓力逼佢肯，因為我知佢其實都恨嫁！」莊思敏聽罷即撒嬌說：「你唔好講到我咁恨喎！求婚好重要，我要有驚喜！」另外，問殷櫻另謀出路是否與有傳無綫對員工苛刻有關？她說：「我同無綫仲有約，其實做藝人都唔可以做一世，應該要學識用腦搵錢。」
