本文重點
吳浩康及莊思敏平日喜歡駕車外出，但當晚與友人「突然」到訪軒仔家，卻離奇地選擇搭的士，情況像臨時拉伕一樣，未知是否為了軒仔及Kenny解圍才突然出現，好讓Kenny之後可以載他們離開而脫身。此情此景，不禁令人想到99年梁詠琪在鄭伊健32歲生日當天，現身男方家中慶祝，當時伊健與舊愛邵美琪的情侶關係仍未公開結束，大批傳媒蜂擁到伊健家門外等候，令二人要即時急Call公司職員上門補鑊，拖一大班人為伊健慶祝，並非單獨只有他們。
而當日突然現身「救駕」的吳浩康，昨日在電話中說：「唔係『救駕』，軒仔搬咗去兩個幾月都未探過佢，所以嗰日就約埋一齊上去！（做咩？）傾偈囉！（點解有車都唔揸，畀機會Kenny載你哋走？）我都冇車！（女友莊思敏有呀？）佢架車咁啱攞咗去整，咪一齊搭的士。」他表示軒仔與Kenny不是同居：「遲啲Kenny都會搬，但搬去邊梗係唔會話你知。」
親「蜜」關係浮面
張敬軒自出道以來經常與王菀之傳緋聞，直至拍得軒仔與Kenny互訪對方「香閨」，「親密」關係才正式曝光！
07年，有指軒仔為Kenny作《預言書》一曲時，關係開始愈變親密。
07年底，軒仔被拍得穿街坊裝為Kenny放狗，「密友」關係開始曝光。
08年1月，軒仔被拍得戴帽及口罩到訪Kenny新居，事後Kenny承認軒仔到訪，卻否認過夜，但軒仔否認曾到訪Kenny家，4月Kenny又被拍得到訪軒仔家。
10年1月，軒仔與牆紙大王陳鼎禮上契，於君悅酒店舉行上契儀式，Kenny亦有到場祝賀，派對上軒仔更大方介紹Kenny給賓客認識，可見關係非淺。