袁小曼向來喜歡小飾物，將耳環、手鏈、頭飾及太陽眼鏡井井有條地收藏在家，每日配合心情及服裝好好打扮。在五彩繽紛的飾物之中，小曼最愛粉紅色的髮飾：「我由細到大都留長頭髮，紮辮已經成為我生活一部分，細細個已經好留意紮髮潮流，唔同髮型可以令人睇落好大分別，肯花心思改變都會好靚，所以我從來未試過剪短髮，覺得太冇變化，咁樣唔係咁適合我！」喜歡研究髮型的她，經常留意各大時裝騷，然後自己動手嘗試新髮型。

頭飾以外，太陽眼鏡與耳環都是袁小曼的心頭好。

放大圖片

小曼家藏逾千件髮飾，花費不少：「我每個月花喺頭飾嘅錢都過千蚊o架！呢個係我嘅興趣同愛好，每一件都見證我嘅不同時期，好有紀念價值o架！」

酷愛飾物的袁小曼，單是髮飾已有逾千件！

每到不同地方旅行，袁小曼都會買飾物留念。

旅行入貨留念

而髮飾更見證小曼的旅遊經驗：「每次去唔同地方都會買飾物，會係好好嘅紀念，見到佢哋就會勾起旅行嘅記憶，比買其他嘢更加有意義囉！」袁媽媽亦深知女兒對髮飾的偏好，中三那年她考第一名，媽媽的獎品亦是一個漂亮的髮飾呢！