本文重點
專業模特兒莊思敏主張Mix & Match，令單調的衣服更具型格，又會將衣服循環再着，是一個平着靚衫的妙法，她又分享拜年、派對及悠閒造型的扮靚貼士！
莊思敏（Jacquelin）講求Mix & Match，即使穿上同樣的淺粉紅色雪紡裙，亦能輕易打造淑女及Rock女兩個造型：「條裙好Girly，加埋小手袋同Pumps，成個Look就好Lady，不過只要換件皮褸同長靴，感覺即時唔同晒，仲可以戴埋皮帽，咁就更加型！」
農曆新年將至，莊思敏建議女士買顏色鮮艷的Item去拜年：「呢條紅色裙好靚，袖口有Detail位，夜晚加番條毛毛頸巾，造型就好多變化！」她還提醒女士別愛靚唔愛命，即使穿厚重的大褸都可以顯得纖瘦：「淺色大褸都係好百搭嘅選擇，可以扣晒所有鈕當裙着，騷吓腳已經夠！」
「搶」做Party Queen
時下女士熱愛派對，莊思敏認為Clutch Bag（手提包）及閃令令衣物是必備之選：「去Party揀珠片同Bling Bling嘢先至夠搶眼，着流蘇產品都唔錯，跳舞時郁吓，會好有動感，加埋Smoky Eyes或者閃粉眼妝就搶晒鏡！」至於便服打扮，首重舒適：「如果唔想Casual到T恤、牛仔褲嘅打扮，可以揀連身嘅長或者短裙，而且今年興毛毛，揀啲設計得型嘅毛毛配件，好似Belt咁，就唔會老土。」