由廖碧兒及任達華主演的電影《滅門》前晚舉行首映禮，吸引樂易玲、周家蔚、洪天明、楊秀惠、張嘉兒、盧惠光、安志杰及謝婷婷捧場。碧兒身穿Jimmy Choo x H&M低胸露背裝上陣，當大會放紙炮時，碧兒嚇得以手掩胸，相當狼狽。席上任達華充當攝影師，不停拿着相機為碧兒拍照。對於緋聞男友陳豪未有現身，碧兒說：「佢有工作，你哋下次問佢啦！」有指陳豪曾買消夜到其寓所，碧兒急忙否認：「我一直喺內地拍戲，啲相舊o架！（從來冇上過？）咁又唔係，大家同事有時間都會食吓飯！」

任達華做攝影師，不停為廖碧兒拍照。

廖碧兒穿上低胸大露背裝示人，十分性感。

華哥拒與周詩雅做朋友

此外，安志杰拖着女友婷婷到場，二人更不時面貼面，恩愛甜蜜。婷婷表示每次欣賞完男友的演出，均會讚他「打得好勁」！她笑言若與男友合作拍動作電影一定不好看，因她不捨得出力打男友。問到何時拉埋天窗，她說：「你哋話呢？我哋未有計劃！（外地註冊？）冇諗過，順其自然！」

同場的任達華早前被內地女藝人周詩雅擺上枱自製緋聞上位，最終亦公開道歉賠罪，華哥說：「報紙都出咗！唔想講咁多，唔好傷雅興！（太太質疑？）冇。（同對方做朋友？）不嬲都唔識佢，最好唔好！（防範？）好難避免到。」