繼有「翻版阿Sa」之稱的17歲模周凱盈（Monique），因藏毒被判12個月感化令後，新進組合Jelly Girls的「山寨版法拉」Uny（趙哲妤）被讀者爆料，指她中學時染有毒癮而判入戒毒所。記者致電Uny求證，她初時表示從未吸毒，只承認曾離家出走，但昨日突然轉軚，以短訊表明曾經吸毒：「回想High嘢（吸毒），腦海中浮現咗無數個蠢字，好嘥時間、好悶，又冇價值，真係百害而無一利！」
Uny對曾經吸毒深表愧疚，並感謝家人及社工當時的協助：「屋企人知道就幫我轉校，遠離嗰班朋友，而且有社工幫手，所以戒咗！」她以「過來人」身份提醒年輕人戒掉吸毒惡習：「無論你幾時發現High嘢係壞習慣，只要你想改，全世界都支持你！」