文詠珊（Janice Man）、黃秋生、張可頤和任賢齊等昨日出席羅永昌新片《報應》開鏡，Janice Man扮演富家女染上毒癮及離家出走，更遭父親黃秋生掌摑，因要遷就鏡頭角度，她要「硬食」八巴掌，事後一邊俏臉紅腫不已，她透露從未遭雙親體罰，排戲時惟有自摑領略箇中感覺。
久違了的秋生原來近半年忙於在內地搵真銀，談到早前有片段拍得他與內地媒體語言上有衝突，他輕鬆地說：「成日都有火藥味。（話你拖女去揼骨？）係呀！嗰個係我好朋友，佢以前做設計嘅，不過就嚟有錢到做飛機嘞！」秋生破例讓囝囝於戲中參演一角，囝囝亦相當識做，送上一百元給他「飲茶」，結果秋生將銀紙鑲起「欣賞」留念。而任賢齊戲中與恭碩良有不少對手戲，早前恭碩良在澳門涉打醫生，小齊淡然表示略有所聞，但彼此只談音樂。