陳法拉和諸葛梓岐分別與Neway大少薛世恒與二少薛嘉麟拍拖，昨日兩人同場出席wtc more世貿中心活動，大會稱呼她們為準薛家大新抱及二新抱，諸葛梓岐對此稱呼欣然接受，她表示與男友以工作為先，共同進步及搵錢，並坦承幾年內會考慮結婚，而農曆新年亦會到男友家拜年
利是，更會買首飾送給未來奶奶，未入門已克盡孝道，果然識做。
利是，更會買首飾送給未來奶奶，未入門已克盡孝道，果然識做。
相反，陳法拉卻對「準薛家大少奶」身份「起弶」，強調自己是陳小姐，不想焦點放在緋聞上，問到何時做大少奶？她說：「我想做個好演員，生活有99%時間喺工作上。（新年會唔會去薛家拜年？）我連朋友屋企都唔會去，開劇好忙。（驚唔驚未來奶奶唔高興？）我唔知佢會唔會唔高興。（會唔會買禮物送畀未來奶奶？）我冇諗呢樣嘢，我從未去過薛家拜年。」
另外，同場的林莉玩遊戲時，釣到金龜的紙牌，她表示若然有金龜當然好，但男友最重要還是要愛錫自己。