小小So知道有日佢個女要睇醫生做例行身體檢查，家樂仔雖然前一晚做到三更半夜，但堅持一早起身同老婆一齊帶個女睇醫生，佢哋喺診所登記完後，家樂仔驚老婆同個女餓親，仲走去茶餐廳買早餐畀老婆同囡囡食，買完上嚟就叫老婆快啲食，唔好餓親，仲問老婆鍾意飲檸茶定奶茶，之後落埋糖。嗰頭照顧完老婆，轉頭又照顧個女，因為家樂仔唔想乖女驚睇醫生，兩父女就喺診所邊玩邊講，話睇醫生唔使驚，好簡單，之後仲親自教佢點呼氣同吸氣畀醫生檢查，小小So真係估唔到家樂仔為人又細心又有耐性！