鍾舒漫（Sherman）自小喜歡DIY飾物，入行後也親自設計大部分飾物，雖然並不是價值連城，但也令Sherman很有滿足感，好像身上的耳環、頸鏈及手鈪，全由她一手一腳製成：「近年鍾意去尖沙咀重慶大廈買銀鏈、吊墜同手鈪DIY，間舖係印度人開，啲貨品全部五蚊、十蚊，老闆每次都畀我慢慢揀！」買到合心水的飾物仔後，Sherman回家便會替它們「大翻身」，製作合心水的靚飾物，Sherman說：「其實飾物唔一定要好貴，好似我咁，身上嘅飾物只不過係百幾二百蚊，但都一樣可以戴得好型！」
對於會否跟隨潮流購買名牌，她說：「其實真係好少，因為藝人通常有服裝贊助，我唔捨得用大筆錢買一件衫或一個袋，寧願將錢儲起或者食一餐好，但如果真係好鍾意，都唔排除會買！」
