陳倩揚喜愛用較輕巧的手袋多於King Size的巨無霸大袋，她情願把化妝品與手袋分開攜帶：「平時只會帶一個細小嘅化妝袋，如果做嘢就會帶一個化妝百寶袋，裏面乜都齊全，咁個手袋就輕便啲！（平日帶咩開工？）除咗化妝袋、仲會有相機，因為我好鍾意影相。仲有帶煲定好似羅漢果水同菊花茶之類嘅飲品，其實好易整，都唔使媽咪幫手，煲20分鐘就飲得，好滋潤！」
陳倩揚又給頻頻轉換手袋襯衫的女士們一個小貼士：「好多人都會因為轉手袋攞漏嘢，我手袋裏面會先用一個袋裝住晒啲嘢，每次換手袋只要將個內膽抽出嚟換落去就得，咁就唔會攞漏嘢！」
