本文重點
李卓庭07年出道，舊公司去年突然發生變動，事業頓時迷失方向，幸好她極速獲新唱片公司垂青，令她有「失而復得」的感覺！其實李卓庭的音樂受人賞識，只欠一個「伯樂」，新公司答應今年為她推出兩張唱片，她說：「以前每年出一隻EP，今年會開行Turbo，因為自己都係一個唔可以停落嚟嘅人。」
李卓庭直言轉公司後亦會以新形象示人，燃起搖滾力量，大行Rock妹路線的她說：「今年我要Rock到爆，髮型繼續不停咁轉色，音樂方面係好似《皇后大道東》呢類咁港式嘅搖滾音樂，依家學緊打鼓，希望以新形象出發！（想同邊個合作？）我真係好想同Eason合作，佢唱咩歌都好好聽，好投入！」提到今年的超大願望，卓庭說：「其實我入行3年，正式上台演出嘅機會比較少，今年公司會安排多啲機會，可以上台演出，幾辛苦都冇所謂，最緊要有得唱歌！」
Profile
姓 名：李卓庭（Eunix Lee）
出生日期：1983年2月26日
必殺技：跳中國舞、打鼓、唱Rock爆歌曲
威水史：著名監製方樹樑御用Demo歌手，為期7年、07年「叱咤樂壇生力軍女歌手金獎」