本文重點
外表斯文有才華的華納男新人周子揚（Hinson），其必殺技是來自創作，他說：「我好鍾意抒情慢歌同R&B，之前去過美國同台灣學音樂。（唱功點？）第一隻碟未騷晒我啲唱功，希望新碟可以畀聽眾發現我有進步空間！」提到外形是否其必殺技時，他笑說：「最緊要舒服自然，唔好咁作狀！我屬於陽光清新型。（做大隻型男？）之前我操到好大隻，想再成熟啲！（會跳舞？）絕對會。」問到今年會以誰為目標？Hinson說：「我最欣賞陳奕迅，佢喺音樂、着衫同演戲方面都好Charming，容易令人留下深刻印象。」
作為新進歌手，Hinson不諱言想盡快「入屋」，期望有更多人認識。至於今年大計，他說：「今年想搞個人音樂會或者簽唱會，好想做呢樣嘢，因為可以同歌迷有近距離接觸，當然仲要繼續做好音樂，嚟緊新碟會有自己作品。」
Profile
姓 名：周子揚（Hinson）
出生日期：1984年3月29日
身 高：180cm
必殺技：打鼓、結他、編曲
威水史：09年度新城勁爆新登場創作歌手、18歲美國修讀音樂、台灣接受演藝訓練