由「80後」主音6號率領的人氣樂隊RubberBand今年事業大躍進，在叱咤頒獎禮上奪得樂壇組合金獎和金曲獎，他們慶幸得到樂迷認同，阿偉說：「獎唔係最重要，最重要係畀我哋一種推動力，令我哋有更多目標，因為知道出邊好多人對我哋有期望，所以要爭氣！」
拒視Mr.為假想敵
去年11月舉行首個音樂會的RubberBand，有望今年能在紅館及廣州開騷：「上次喺Star Hall開一場，反應好好，當日輝虹同我哋講，今年計劃去廣州同紅館開騷，雖然尚未成事，但聽到咁講真係令我哋好感動！」五子表示今年將推出大碟，有別往年只得6首歌的EP！對於同期出道的Mr.成績理想，問會否視為競爭對象，他們說：「一定唔會係Mr.，大家係好朋友，同埋我哋抱嘅心態係想樂壇多啲Band，做個勢出嚟！因為多啲樂隊先有人留意。其實內地同台灣嘅Band好厲害，我哋想代表香港做出好成績，五月天係我哋嘅學習目標，佢哋捱咗好多年先至有人認同。」
Profile
成 員：6號（主音）、藝琛（鍵琴手）、阿正（結他手）、阿偉（低音結他手）、泥鯭（鼓手）
必殺技：作曲、填詞、編曲、樂器演奏、鼓手泥鯭與林海峰九成似樣
威水史：09年度叱咤樂壇組合金獎和金曲獎、09年底九展開騷全場爆滿