本文重點
人氣樂隊Mr.在剛過去的樂壇頒獎禮大豐收，憑一曲《如果我是陳奕迅》唱到街知巷聞，火速「升呢」，在樂壇頒獎禮成績斐然，是樂隊近年少見佳績！提到樂隊的必殺技，主音Alan說：「我哋五子一條心，對音樂熱誠從來冇變過，去年係Mr.行運嘅一年，同好多人合作過，真係好開心。不過舊年做多咗宣傳，相對嚟講真係少咗夾Band，希望今年可以多番啲時間夾Band！」
提及今年大Project，Alan說：「紅館騷係嚟緊嘅大計，心情開始緊張，始終未試過做屬於Mr.自己嘅騷，平時出騷係唱幾首歌，但紅館騷至少唱兩粒鐘以上，依家要開始試吓留力，唔可以下下去到盡，要識得點樣留力同用力，把聲要點樣Keep得好！」
展望今年，Alan表示會繼續寫更多好歌，至於會否幫人寫歌？他說：「如果我哋唔太適合唱，都希望有人啱唱！（同其他歌手合作？）隨緣啦。」
Profile
成 員：主音Alan（布志綸）、結他手Ronny（黎澤恩）、結他手MJ（譚傑明）、低音結他手Dash（譚健文）及鼓手Tom（杜志烜）
必殺技：作曲、填詞、編曲、樂器演奏、主音Alan與陳奕迅歌聲酷似
威水史：08及09年度橫掃多個獎項、09年一曲《如果我是陳奕迅》至今奪獎無數