得票遙遙領先的劉明軒，漸漸被孤立，以往主播回公司前都會相約食飯，日前劉明軒獨自落寞行街，睇遍名店珠寶都顯得甚為冇癮，悶到要用手機玩自拍打發時間，然後一個人飲「悶咖啡」。事後記者致電向她了解，劉明軒急急否認被孤立：「點會呢？個個都係好朋友。（但你成日一個人喎？）呢排個個都忙，我哋咁多年朋友，有機會聚埋一齊就好開心。」