李逸朗（Don）早前在北京逗留約半年拍劇賺人仔，直至最近才返港籌備國語碟，問到是否喜歡賺人仔，他笑說：「我仲鍾意內地嘅文化同風氣。（普通話進步？）拍劇全部用普通話，都有啲進步。」他坦言希望開拓內地市場：「睇吓觀眾喜唔喜歡我啦！首次喺內地拍劇，工作模式同香港好唔同。（角色有難度？）每個角色都有難度，好彩合作嘅演員個個都係好戲之人，吸收咗好多演戲經驗。」

李逸朗在北京拍劇，希望開拓內地市場。

李逸朗透過Blog與Fans聯繫，不擔心被遺忘。

不怕Fans離棄

雖然有一段時間不在港，但Don不擔心會被歌迷遺忘：「我諗唔會，我喺內地有開Blog，Fans都有留言支持我。（吸納內地Fans？）唔可以話係Fans，只可以話識咗啲朋友，始終我喺內地知名度有限。」他還表示最初很不適應當地環境：「屋企人喺香港，又唔習慣北京太凍嘅天氣，有時都喪叫『救命』！我每日拍劇10個鐘，要顧住演戲，又要講普通話，壓力都幾大！」問到是否喜歡內地女生，他說：「冇乜特別要求，呢啲要講緣分。（艷遇？）冇喎！我喺嗰邊啱啱起步，要投入工作。（聯絡葉翠翠？）好耐冇聯絡。」