校長譚詠麟最近發掘了一位由台灣回流的新人王宗堯（Greg）。談到對Greg的第一印象，校長說：「我第一眼見呢個後生仔係喺球場，嗰時佢話最大夢想係加入明星足球隊，所以咪畀佢試吓腳。見佢落場都幾勤力，肯走動、肯追波，雖然球技仲有待進步，但勝在有熱誠。之後同佢合作新片《財神到》，發覺佢好肯虛心學習，為人又幾醒目，提過一次就唔會錯第二次！不過，最重要佢身上有三種特色，既係金城武同黃曉明嘅混合體，亦有譚詠麟嘅智勇雙全。」

藉球賽作勉勵

Greg作為藝能今年重點新人，聽到校長的讚譽即謙虛地說：「我仲有好多嘢要跟校長學習，但一齊拍戲學咗好多嘢！早排一齊去睇東亞運足球決賽，發現佢對球賽分析好準確，好想學佢嘅分析力同眼光，希望快啲可以同校長合作，更加想同場踢波！」

譚校長亦不忘藉港足奪金一事勉勵Greg，校長說：「嗰場波體現咗香港精神，以前嘅香港隊好騰雞，呢場就打得好好，每個球員都盡咗自己職責！最重要係成隊波好有Heart！」