感情暫未有着落的熊黛林（Lynn）師妹楊汀叮，承認早前曾醞釀一段戀情，可惜最後無疾而終，她說：「大家唔係咁適合，佢唔係好接受到我嘅工作，不過大家依家仲係朋友。」

對感情講個「信」字的楊汀叮，不希望另一半管得太嚴。

楊汀叮喜歡成熟男士，以免像「湊仔婆」。

唔八卦Baby戀情

問到有否向師姐熊黛林及Angelababy請教感情事，她搞笑地耍手擰頭說：「同Lynn比較少見，試過一齊做嘢，佢好照顧我哋；同Baby就好Friend，一見面就會食飯同玩。（有冇八卦佢同陳偉霆分手嘅傳聞？）感情嘢唔會講咁多，佢平時做嘢好辛苦，見面都想輕鬆啲，抒發吓壓力。」她坦言亦不喜歡別人太緊張她的私生活。

談及擇偶條件，養了兩隻狗的汀叮表示對象一定要喜歡小動物，她說：「可以睇得出佢有冇愛心同耐性。」她希望另一半成熟兼聰明，並笑說：「試過同年紀差唔多嘅男仔拍拖，好似湊仔咁，搵個成熟啲嘅，可以照顧我，唔想勞氣！」