莊思敏（Jacquelin）自小家境富裕，可說是「要風得風、要雨得雨」，最終她為實現理想而放棄無憂無慮的生活，不理父母的反對，獨自到港當模特兒：「我喺大馬有大屋住，有工人使，又有信用卡任簽，生活根本唔使憂，但我最終選擇放棄．我起初嚟香港好唔慣，因為突然失去所有富貴生活，要自食其力。以前大使慣，依家就要慳得就慳，買乜都會以實際同經濟為原則呀！」

莊思敏的父親是馬來西亞拿督。	莊思敏（左二）除了行天橋，亦經常出席大小商場騷。	放大圖片

難忘中暑暈倒

日子雖不好過，但卻令她戒掉千金小姐的陋習．問到入行的辛酸事？Jacquelin說：「有次夏天，我要喺樹林裏面拍秋冬裝，着到成身衫又熱又焗巳經好慘，又要被蚊勁叮，最終中暑暈倒，嚇死啲工作人員，不停幫我撥涼，幾分鐘後我就醒番，然後再拍過，返到屋企皮膚被蚊叮到一撻撻，又痕又腫，為賺錢搞到咁，真係又累又辛苦！」她又表示曾與數名不懂泳術的女模特兒在水中拍特輯，眾人都十分害怕，期間更被不停按着頭，她說：「我好似不停被灌飲水！」

腸胃炎照行騷

Jacquelin明白要成功不能一步登天，要靠努力與犧牲，但說到底，她認為當模特兒所承受的精神壓力，比體力消耗辛苦百倍：「模特兒追求完美，人前要做到最好，有乜差池，成組人都冇得收工，就算病都要頂硬上，我試過腸胃炎行騷，當時又屙又嘔，連水都唔敢飲，一飲就會嘔，最終仲要扮若無其事行騷，一收工就即刻去睇醫生。」