樂壇新人溫家恒（Vincent）早前在《新城勁爆頒獎禮》上獲得「勁爆新登場男歌手」獎，他揚言打下強心針，而新一年他會繼續努力，希望獲得更好成績。
在新城頒獎禮慶功宴上，Vincent與好友吳雨霏（Kary）甫見面即興奮的捧住獎座錫錫，Vincent說：「我同Kary係好好嘅朋友，平時都有一齊玩，佢仲叫我今年要更加努力，因為新人喺第二年最難做！」Vincent亦透露跟同期新人樂瞳齊齊拍攝電視劇《刑警》，攞獎翌日返電視台開工，同劇的黃日華亦大讚他們表現出色，令二人開心不已，Vincent說：「華哥好照顧新人，仲成日畀機會我哋，真係好感激佢！」
