本文重點
陳柏宇去年因「動L」獻唱而熱爆YouTube，帶挈人氣及歌曲播放率急升，他笑言今年嘗試「加強版」，不穿內褲及不拉褲鏈！陳柏宇（Jason）去年被指邊唱《你瞞我瞞》邊「動L」，問到今年會否有新突破，他笑說：「唔知呀！或者整個『動L加強版』，唔着內褲同唔拉褲鏈！」笑完一輪，他才澄清純粹開玩笑：「梗係唔可以啦！我要着內褲o架！如果唔係，我怕夾親同刮親！」這首「動L歌」在剛過去的兩個樂壇頒獎禮大豐收，更令他首嘗殺入「叱咤十大」三甲的滋味：「我冇乜攞獎命，攞獎唔係一個人嘅功勞，宣傳人員、公司同事同歌曲幕後班底都出心出力。」
未敢諗歌手獎
Jason每張專輯都有Hit歌，包括《永久保存》、《固執》及新碟《Can't be half》的《拍一半拖》等，問到是否每次錄新歌都倍感壓力，他說：「咁又唔會，我唔係揀歌嗰個，只負責唱好首歌。（想攞歌手獎定歌曲獎？）我仲未有能力攞歌手獎，始終入行經驗淺。」談及四大唱片公司與無綫的版稅風波，身為「四大」歌手的Jason坦言感無奈：「冇辦法啦！我唔會刻意去諗，幫唔到手，又改變唔到呢個事實，公司叫我點就點，我係聽話歌手。」
