江若琳師弟、組合Square早前與官恩娜（Ella）到澳門出席除夕倒數活動，處男下海出騷搵銀，四子當然興奮，論到最開心莫過於「財色兼收」的Gary：「一路都好鍾意Ella，今次可以同佢倒數真係好開心！」此外，難得到澳門，Square各自拿出100元到賭場碰運氣，最後只有Gary有斬獲：「平日好少賭錢，今次拎100蚊出嚟，睇吓邊個運氣好啲！」Gary更請手足大擦一番：「去咗食翅、禾蟲同乳鴿，第一次食禾蟲，之前食過蠶蛹同鹿鞭，原來鹿鞭好好味o架！」