伍詠薇在剛播完的劇集《美麗高解像》中，飾演一名專蝦新人的前輩級花旦，而現實中，她對後輩卻愛護有加，揚言入行初時陋習多多，娛樂圈容易令人利欲熏心，並以過來人身份，呼籲後輩要好好自我控制，免被金錢操控。　

伍姑娘自爆初入行時經常遲到，曾被前輩級司儀當眾責備。	伍詠薇呼籲後輩不要被金錢操控，以免利欲熏心。	伍詠薇（中）宣傳《美麗高解像》時，與徐子珊（左）和陳敏之扮不和黑面。 資料圖片

伍姑娘直言娛樂圈容易令人變得虛榮、是個大染缸：「記得我入行初期，賺錢就係為咗搏命買衫，啲錢經常用突，嗰時唔食都要買靚衫嚟死充，依家回頭睇番，先知道原來自己細個好虛榮，不過虛榮心個個都有，但唔可以多，要識得控制，唔可以畀金錢沖昏頭腦。」

眾目睽睽被趕走

提到初入行時，伍姑娘自言經常遲到，曾因此被前輩級司儀責備：「記得有次出席大騷綵排，我遲到十五分鐘，有前輩喺台上對稿嘅時候知道我遲，佢叫工作人員叫我唔使嚟，個個以為佢講晦氣說話，點知當我到場時，佢大大聲喺眾目睽睽下叫我走，自此之後，我嘅遲到陋習改善咗好多，成個人勤力晒。」