今年22歲的美少女廚神岑潔儀（Zoey），去年與台灣音樂才俊陶喆傳緋聞，新一年Zoey希望遠離是非，自言打算改名轉運：「連成龍都改啦！我覺得改名有助星途。」早前有模誤墮茅山師傅的性交轉運陷阱，她說：「覺得佢好蠢，冇理由以身相許都會信，根本唔合邏輯，如果要搵人睇相，咪搵啲信得過嘅朋友介紹囉！」
Zoey透露與陶喆已甚少聯絡，並希望新一年能找到真正愛情：「希望事業、愛情兩得意，想搵個思想成熟嘅男友，年紀大啲都冇所謂。」工作方面，Zoey即將與另一位新人組成女子組合：「之前見過佢，覺得佢唱得又靚女，市場較少女子組合，希望可以殺出新血路。」此外，對於早前模吸毒事件，Zoey坦言曾經有朋友引誘她吸毒，但她很抗拒，更坦言一定不會嘗試。