自從成為烹飪節目主持後，吳日言（Yan）吸取不少鮮為人知的心得，有感廚界大有作為，談及其處女作烹飪書《吳日言愛入廚》，她說：「我知好多港女都畀人投訴唔識得煮嘢食，所以我特別為班求愛嘅港女，度身訂造別出心裁嘅菜式，包佢哋可以留住男人個心同個胃。」書中最有心思之處是設計了一系列「拍拖餸」，由求愛、拍拖、熱戀到見家長，都有各式貼身菜式，以供港女參考。

Yan拿起新鮮的蟹，教大家如何炮製「豉椒炒蟹」。	Yan手起刀落，將蟹「分屍」。	Yan希望透過教煮餸，可助港女覓得有情人。

菜式配搭搞新意

日前Yan親身示範「家長篇」內其中兩款菜式，包括「梅子蒸大鱔」及「豉椒炒蟹」。當Yan從雪櫃逐一取出各款材料時，突然大叫一聲：「哎吔！我啲梅子唔見咗嘅，咁我點煮『梅子蒸大鱔』呀？」原來是她的外籍女傭誤以為「黑忟忟」的梅子變壞，好心幫Yan棄掉，Yan在「無料可施」之下，惟有轉一轉菜式，改煮「鹹柑桔蒸大鱔」，幸好美食獲得讚賞。Yan說：「其實整嘢食，唔可以一成不變，可以搞吓新意思，試吓唔同嘅配搭。」

問Yan可有成功例子？她說：「最記得試過用花生醬伴牛扒，原來兩者合二為一，可製造出驚喜。」至於失敗作，就有「橙汁撈牛扒」，她說：「我試過一次，個樣都OK，但味道就……啲試食者話似食嘔吐物喎！」