入行6年，出過數張專輯，也拍過劇集、電影，但要數官恩娜（Ella）的代表作，只會記得她「性感女神」的形象，或是年前被狼吻一事。圍繞她的都是一些緋聞或不實傳聞，樂天的Ella亦有被觸及死穴之時，她說：「記得三十歲生日嗰日，有雜誌話我晚晚同唔同異性過夜，又話我屋企係私竇。」生日得到如此「厚禮」，她慨嘆：「直到嗰日先知世上會有咁壞嘅人，唔明點解可以咁唔尊重另外一個人，可以咁樣寫人、諗人！有一段時間唔敢出街，好驚街上嘅人會覺得我係一個咩女人。」

官恩娜歌影視瓣瓣都做，但今年她最想做好音樂。

放大圖片

喜獲網民支持

否極泰來，Ella終於在去年的一集《超級巨聲》中得到歌藝上的肯定，對她而言是重生、感恩的時間：「多謝網迷，佢哋一唔鍾意就會鬧，得到佢哋寵幸，真係受寵若驚。」出道以來，Ella形容工作從冇間斷：「工作Keep住都有，冇話突然之間消失咗！」但被網迷譽為「天籟之聲」後確實令她得到更多有關音樂的工作，亦令歌迷更期待她的新歌，但Ella坦言希望在充裕時間下製作好音樂：「希望有歌令大家欣賞，會以開演唱會為目標，奮鬥努力。」