前晚宣萱與男友恩愛出席電影《不敗雄心》首映，她表示男友喜歡與她出席公開場合：「大家拍拖三個月，So Far So Good，佢仲會叫我同啲Fans簽名合照。」自公開戀情後，男友承擔不少負面新聞，她說：「佢唔識睇中文，不過我啲Fans喺網頁譯晒英文，佢睇到都話唔介意。」她笑言已選定情人節禮物：「我叫佢唔好送花，可能我會煮嘢畀佢食。」前晚她與榮文蔚碰面時相擁問候，宣萱說：「同前男友（榮文翰）分手後都有同佢家人聯絡。（睇BIG FOUR演唱會？）咩嚟？（你前男友張衞健有份！）係咩？我脫節添！睇吓佢請唔請我啦！」