吳君如與黃百鳴為拍電影《花田囍事2010》可謂各有犧牲！由於《花》片有一場戲講述君如誤會黃百鳴是自己暗戀的鄭中基，上前硬咀對方，期間還遭鄭中基撞破「好事」。

吳君如強咀黃百鳴，咀到青筋盡現。

君如飛擒大咬，撲向黃百鳴。

雖然君如拍攝時非常投入，更咀到頸部青筋盡現，不過事後卻笑言接到劇本，知道要拍攝有關場口時，即時心內涼了一截：「同百鳴哥合作咗咁多年，都冇試過要咀㗎嘛！原本諗住係咁易借位就算，點知導演話一定要拍Close Up，仲有定格幾秒先夠震撼，所以最後我都鼓起勇氣咀落去！」

獻出銀幕初吻

黃百鳴亦笑指拍咀戲的感受好不了君如多少，更揚言今次是他的銀幕初吻：「o的人成日話今次有君如咀係益o左我，其實我係為藝術犧牲至真。獻出銀幕初吻我內心都掙扎過o架！拍o既時候仲要畀君如糟質同拳打腳踢，根本唔係大家諗得咁盞。」

至於事件的「目擊證人」鄭中基，則笑言不用被君如咀是執番身彩，十分搞笑，他還大爆君如拍咀戲前十分緊張：「Roll機前君如已經落o左Order，叫我唔好整古做怪，仲話如果因為我搞到NG要重拍，就一定唔會放過我，所以我無論幾想笑都要死忍，因為我真係驚佢會打我！」