近日有傳成為陳志雲新寵的張敬軒（軒仔），昨晚為賀新經理人公司Star Max Entertainment成立，於酒店筵開45席，吸引陳志雲、契爺陳鼎禮夫婦、劉家昌夫婦、楊受成太太陸小曼、王菀之及關智斌等撐場，陳志雲逗留不夠半小時便離開。軒仔示意可以用廣東話接受有線訪問：「據知一向都可以用廣東話接受訪問，只係以前有不明文規定。（唔怕冇運行？）唔識答！」他承認與無綫仍有合約，問到關係是否決裂？他說：「仲傾緊！（有傳你同陳志雲關係密切？）平時話我性取向同態度唔好之外，都冇其他Point！」他透露自己是新公司的第二股東兼總經理，佔逾20%股份。
另一方面，關智斌被問到做了軒仔及志雲的第三者？他說：「軒仔有打畀我，佢話如果我個心唔舒服就唔好o黎！（唔驚問起緋聞咩？）扯火就有囉！」至於Sony Music、環球及華納承認現時旗下歌手會用廣東話接受其他電視台訪問，Sony Music發言人說：「大家（四大公司）共識為方便觀眾！」有線娛樂有限公司執行董事胡容卿說：「成功打破不明文規定，算係成功第一步，軒仔會上我哋節目！」