今個農曆新年有唔少電影上畫，同周星馳合作過唔少電影嘅肥仔林子聰，就參演咗其中三部，小小So有日打畀肥仔聰，問吓佢最鍾意邊一部，點知佢好「行」咁話部部都咁鍾意，不過《越光寶盒》對佢嚟講就最難忘。
小小So：點解《越光寶盒》咁難忘呀？
林子聰：因為導演劉鎮偉安排我同孫儷有咀戲囉！
小小So：咁筍，導演好錫你喎！
林子聰：咁你就錯喇！場咀戲拍到戲肉，差唔多咀嘴嘅時候，竟然要換人。
小小So：換邊個？
林子聰：如花李健仁囉！
小小So：乜如花？
林子聰：冇錯，仲要真係咀落去嗰隻。
小小So：咁我應該掉轉問你，係咪得罪咗導演呀？
林子聰：我都覺得係，哈哈！講吓笑啫！導演好好，教咗我好多嘢㗎！
