昨日廖碧兒穿上紅衣紅鞋，配紅唇直髮在佛山拍攝新片《葉問前傳》，紅噹噹的她被嘲似厲鬼，她說：「有晚凌晨四點幾，大隊喺一間搭建嘅武館進行拍攝，當時我唇又紅、面又白，啲燈光一打落嚟，啲工作人員真係以為見鬼，嚇親佢哋！」談到片中的動作場面，她表示曾誤傷元彪的替身，但因導演覺得逼真而沒有NG，問到她有否受傷？碧兒說：「有次同樊少皇對打，佢要劈我條頸，點知劈中咗我塊面腫咗，工作人員即刻畀熱雞蛋我消腫。（打女難免受傷。）實有機會，但女仔塊面好重要，所以都自費買貴啲保險。」

黃奕避談結婚

身為七小福的元彪稱讚廖碧兒很有拚勁：「可能佢之前拍過有經驗，啲力度掌握得好好，但仲需要努力同學習。」問到杜宇航飾演葉問，與甄子丹有何分別？元彪說：「講詠春，杜宇航正宗啲。甄子丹係模仿詠春，但係有經驗同有佢自己嘅武打動作，杜宇航喺新人嚟講算唔錯，但欠經驗。」

同場的港姐馬賽表示電影跟電視劇不同，並承認拍戲酬勞較高，但拍劇則有助提升人氣。另外，內地女星黃奕多番迴避結婚傳聞，又指很多報道都不真確：「結婚、生仔也好，請給我空間，希望大家注意我的事業。（拍咀戲通知未婚夫？）沒有必要。」

馬賽（左）及黃奕飾演兩姊妹，擺甫士亦甚有默契。

「新葉問」杜宇航（右）與新人陳嘉桓對打，樊少皇則從旁指點。