14/01/2010

播放本新聞相關短片

周永恒趙頌茹月底結婚

現年25歲的周永恒(Roy)與27歲的「阿Yu」趙頌茹(現名趙梓淇)結束六年愛情長跑,將於本月底結婚!本報記者昨日在婚姻註冊署發現二人的擬結婚通知書,身為音樂人的Roy與現職形象統籌的Yu在上月28日已遞表申請,成為今年圈中頭炮喜訊。

當Roy得知被發現婚訊後說:「哈哈!你又知?(奉子成婚?)唔係!我哋想快啲結婚,因為我哋係基督徒,唔可以同居又唔可以婚前性行為,我哋都乖、好保守,唔想犯誡!」Roy透露將於本月28日到律師樓註冊,然後行禮。擺酒方面,因兩人是基督徒,故希望在復活節前後舉行,一切從簡。談到如何求婚?Roy說:「喺海邊買定戒指同花向佢求婚,同佢講我愛你,佢不知幾感動,一次就成功!」他透露將到馬爾代夫度蜜月。