范姜前日在養和醫院剖腹誕下逾8磅巨嬰，阿B兩度探望，心情興奮，指范姜為抱BB不願睡覺，又不停與朋友傾電話，沒有產後抑鬱，問到送甚麼禮物給范姜，他說：「我同鍾懿整咗首歌畀佢，係溫拿時嘅《閃閃星辰》，但曲就改過，由鍾懿唱，錄咗兩日，范姜聽完喊咗出嚟，送呢份禮物，好過買袋畀佢。」鍾懿探望媽咪時送上熊Bear Bear，還在記者面前唱了兩句，有板有眼，遺傳爹哋的基因。

阿B亦有陪范姜入產房：「仲有拍埋DV，忙過自己做導演，不過唔係拍血淋淋角度。」他自爆鍾懿抱着妹妹不放，完全沒有呷醋：「不過有教佢唔可粗手粗腳，呢個唔跌得。」新B女英文名叫Eloise，中文名未諗，阿B指鍾懿改妹妹叫鍾三，但他笑言找學校十分難：「不如叫鍾國好、鍾國掂或鍾國贏，可能會易收啲。（好事成雙，計劃結婚？）一樣一樣嚟，結唔結都冇所謂，都一齊咁耐，最重要開心。」

未想追多個

至於會否追多個仔，他即講笑說：「追多個都得，唔想范姜生，搵第二個，我講笑，唔好啦！唔想范姜咁辛苦，如果再有多個就要叫我做爺爺。」阿B又透露不會陪范姜坐月，因要開工搵奶粉錢，計劃三月與溫拿在台灣開演唱會。