憑一句「我有少少鍾意咗『Kui』。」的BB話，令年僅五歲的「萬寧妹妹」王允祈（Winky）火速走紅。除了該廣告在網上點擊率逾18萬人次外，還有網民為她開設Facebook群組以示支持，人數更高達接近四萬。Winky將於周日首次出席公開慈善活動，並「老虎仔」上身提早賀年，相信必定吸引一班Fans撐場。

可愛扁嘴 因拍攝前一晚不夠瞓，允祈不停扭計，背向鏡頭兼攬着小貓公仔趴地，還扁嘴以示不滿！	Cute晒一字馬 跳完芭蕾舞後，允祈即場試做最拿手的一字馬，身體柔軟度十足。	型爆妹妹 「萬寧妹妹」上位後又點少得一副太陽眼鏡，變成「黑超BB」的她展現型爆一面。

「萬物之王允許祈禱」

雖然風靡萬千粉絲，但原來Winky的出世是個意外，王媽媽說：「發現意外有咗允祈之後，我哋不停向上天祈求BB平安，所以佢個名叫『允祈』。」身旁的Winky即大聲說：「萬物之王允許祈禱！」

Winky爸爸承認該廣告出街後令她一炮而紅，成為影視界搶手貨，更接二連三收到廣告商從網上或中間人的邀請拍廣告，包括健康食品、服裝品牌，甚至出席公開場合負責獻花與廣告硬照。不過，他表示最重要顧及女兒的健康及形象：「我會考慮個廣告係咪真係啱佢，例如有個健康食品廣告想搵佢拍，但好唔好彩有BB食咗出事，咁我個女承唔承受到輿論壓力呢？種種都係身為父母要幫佢考慮嘅因素。」不過，Winky爸爸透露即將接拍新廣告，但性質及酬勞則不便公開。

搞鬼龍友 除了芭蕾舞外，允祈對攝影亦感到興趣，更不停擺甫士為愛貓公仔拍照，非常人細鬼大。

放大圖片

嚴選工作保護形象

此外，娛樂界亦向Winky招手，但王爸爸一一拒絕：「無綫想搵佢同陳法拉喺《東華》表演，但由於太夜，Winky實會扭眼瞓，所以我推咗！仲有位名導演特登開戲想搵佢拍，但如果部戲拍出嚟係IIB級我又唔想，所以都拒絕咗。」所以，他透露目前落實的只有一個電台節目，因具有教育意義，希望女兒從中學習，酬勞不多也答應。

由於訪問當天「扭眼瞓」，Winky頻頻背向鏡頭，又扁嘴表示不滿，最後爸爸跳搞笑版芭蕾舞後，她才再笑逐顏開，認真可愛爆燈！ 文：專案組　攝：劉智源