陳玟妃（Cowire）06年參加雜誌舉辦的校花校草選舉入行，後來逐漸愛上模特兒工作，她說：「初初只係玩玩吓，但後來愈來愈Enjoy畀人影，因為做Model真係好有滿足感！」她自言做模特兒後改變很多：「以前我好細膽，面對鏡頭好緊張，又唔識擺甫士，但影得多之後就習慣晒，大膽咗同有自信啲！」

Cowire享受被人影的感覺，甚有滿足感。

放大圖片

模界競爭激烈，Cowire坦言有壓力：「其實呢行真係有好多Model，Casting時見到好多好有質素嘅對手，初時都有啲壓力，但後來慢慢學識放鬆，同埋我覺得只要做好自己本分就得，唔需要太計較，順其自然啦！」

恨有栢芝成就

Cowire最希望擁有張栢芝的成就，她說：「除咗做模特兒之外，我都想試吓拍電影，多方面嘗試吖嘛！如果可以好似栢芝咁做個全能藝人，咁就最好喇！」問到入行以來最難忘的經歷，她表示是與李嘉欣在宣傳活動中碰面：「佢真係太靚、太完美，份人又Nice，而且好有星味！」

抵冷捱眼瞓

作為模特兒，Cowire經常要四出工作，訪問當天，她便要晨早起床，她說：「我6點已經去到沙灘影相，仲要着住條好薄嘅Tube Dress，天氣好凍，真係好辛苦，不過見到影出嚟嘅相靚，即時覺得咩都係值得嘅！」要成為專業模特兒，真的要吃不少苦頭呢！

Profile

姓　　氏：陳玟妃

年　　齡：19歲

身　　高：165cm

體　　重：45kg

演出經驗：

PS3廣告、clean & clear廣告、《開心大發現》、《香港亂噏》等