阮小儀和曾志偉昨日出席公開活動，對於早前在《72家租客》煞科宴發言後被大做文章，志偉對於引起不必要的誤會及對身邊朋友如樂易玲等造成困擾，大表歉意，並指《7》片台前幕後儼如一家人，故年內將為無綫製作兩部大片。談到當天言論，志偉說：「我係覺得電視演員涉足影圈，片酬跟唔足市價，希望影圈頻頻有工開，電視演員嘅酬勞可以相對提高！《7》片冇一位演員冇錢收，反而比拍TVB嘅節目酬勞更高添！好似張學友仲一定收足。」