樂壇實力派歌手李卓庭（Eunix），從小已擁有一副美人胚子，眼大大的她是家中孻女，自小與家姐一同長大。形象爽朗的Eunix給人Rock妹感覺，原來她亦有女孩子的一面，她說：「細個都係同家姐玩公仔多，我哋好齊心o架！出咗新款就會一齊諗計仔叫屋企人買，又或者夾錢買囉！」她表示會為公仔自製新裝：「婆婆會車睡衣畀我同家姐，仲會用啲布碎整衫畀我哋啲公仔，仲會叫婆婆教我整，所以我針黹都唔錯o架！」

李卓庭手執童年照，分享兒時趣事。

初出道的李卓庭被指貌似鄭融（左）。

自小學中國舞

除了玩公仔外，Eunix由四歲開始學習中國舞，從此亦愛上跳舞，至於何時才會將舞技「公諸於世」？她謙虛地說：「其實我十幾歲嗰陣轉咗學Jazz喇！所以都好耐冇跳，暫時唔會，驚嚇親人。」一頭短髮的Eunix初出道時留有長長頭髮，與當時同樣留着長髮的鄭融甚為相似，最後Eunix狠心揮剪，至於會否再以長髮Look示人，她說：「其實我都考慮緊留番長頭髮，等我啲樂迷多啲新鮮感。」