將於後日假Star Hall舉行處女演唱會的江若琳（Elanne），特別重金禮聘邀請陳慧琳御用造型師黃欐堯（Celia）擔任形象顧問，Celia認為Elanne後生，可作大膽嘗試，問到性感尺度，Elanne笑說：「今次真係終極性感，淨係遮住晒三點，已經係我嘅底線，好彩身形已經操到好Fit，好想呢個演唱會帶啲驚喜畀大家。」
前晚Elanne率先試戴演唱會所用的首飾，她透露單是首飾就花上六位數字，更對一個閃爆的人造鑽石髮簪愛不釋手，她說：「弊喇！我有個動作係要拋個髮簪落台，我真係好唔捨得喎！叫個同事落台接住得唔得呀？」
Elanne坦言身高不及舞蹈員，所以被迫着五吋高踭Boot跳舞：「以往啲跳舞歌都係着平底鞋，依家好似唔識行咁，真係要着住練舞先得。」她透露個唱約一半時間都會勁歌熱舞，更有超高難度動作，令她瘦了十磅：「我知道啲飛已經賣晒，真係好多謝大家，所以幾辛苦去練都係值得嘅！」
