現年27歲的落選亞姐袁小曼，與48歲的地產代理公司CEO廖偉強相戀，雖然年紀相差21年，但拍拖時完全「零代溝」，先後做出「四目交投」、「鬥雞眼餵殘廢餐」及「托腮獻吻」等肉麻動作，令網民打冷震。

袁小曼深情獻吻，男友當然甜入心。	袁小曼與廖偉強「呂奇式」拖手對望，肉麻當有趣！	咳足成個月的袁小曼，獲廿四孝男友陪伴睇中醫。

至於自稱是「廖太」姊姊的梁小姐前日爆料，其後受訪卻甩底，記者及後再致電向她查詢時，她透露「廖太」因病入院，因不想妹妹再受打擊，故暫不作回應。而廖偉強則以私事為由，拒絕透露會否到醫院探望分居妻子：「希望傳媒唔好刺激佢！我亦想低調啲！」

北角共賦同居

堅稱已與妻子分居的他，強調已盡男人的責任：「我有畀生活費佢哋，亦有供兩個仔讀書！其實我想澄清我同佢真係分開住，09年初我已經搬咗去北角住！」據知他與袁小曼已發展至同居階段。

雖然受盡網民抨擊及分居妻子入院的壓力，但廖偉強一樣「冇有怕」，與袁小曼繼續談情。繼Shopping及遊迪士尼後，前晚他又帶袁小曼歎魚翅，席間女方更強調絕不會做第三者：「我同佢啱啱開始時，佢已經講晒啲過去畀我知！我知佢單身先接受！」此外，廖偉強昨日帶咳足一個月的袁小曼到油麻地看中醫，為免耽誤女友看診時間，他甘冒抄牌之險將座駕泊在街邊，其後更為女友煲藥。

傳嗒o靚模姜紫藍

另外，有傳o靚模姜紫藍（Color）是廖偉強上一任女友，Color更突然富貴，惟她否認傳聞：「我識佢哋！袁小曼係同我同屆選亞姐，廖偉強我都識！但係我絕對冇同廖偉強拍過拖，我一直都有男朋友！」