昨日徐子珊、吳卓羲及郭晉安為無綫新劇《團圓》試造型，對於被指狠撇導演游乃海後，搭上富商突然富貴，徐子珊一臉委屈地說：「全部都係作，消息好似《美麗高解像》續集，將我人生代入劇情！完全冇咁嘅事，冇相、冇根據，真係好嬲！名聲對女仔好重要，咁畀人誣衊，好唔公平！抹殺我嘅努力，之後人哋點再搵我做嘢，最嬲係今次騷擾到家人！發誓唔識呢個人，從來冇富商追求！（之前同游乃海住海怡？）佢本身有女友。（住1,500萬貝沙灣？）間屋係租，我努力工作都想住得舒服啲！（將你同陸詩韻、葉翠翠一齊講！）人哋嘢唔清楚、唔評論！」
而游乃海澄清消息全屬虛構，指放消息者編劇能力強，更籲子珊對失實報道Take it easy。另外，王祖藍透露早前與子珊討論置業，但子珊卻嫌樓價貴，故堅信對方不會搭上富豪。