張衞健、許志安、蘇永康與梁漢文（Edmond）的《The BIG FOUR世界巡迴演唱會香港站》將於3月舉行，昨日四人乘開篷車出席記者會，並宣布三場個唱優先訂票爆滿，決定加開一場饗歌迷。

BIG FOUR以槍射爆氣球，寓意演唱會爆滿。

BIG FOUR乘坐開篷車出席記者會，地位超然！

四子相識多年，感情深厚，司儀要求他們以器官互相形容，健仔指安仔是腎，冇咗就虧；安仔則指Edmond是肋骨，並嘲他是「骨精文」；至於Edmond則指健仔是口兼大腦，腦筋急轉彎的健仔即說：「話我講嘢唔經大腦！」引得全場大笑。

今次是四子首度合作開騷，Edmond被踢爆心情緊張，每兩小時便報告情況，安仔笑說：「Edmond好似報股市咁，佢話BIG FOUR可以長揸，唔好放！」並自爆欠下周身飛債，康仔更笑言不敢接朋友電話。

安仔提議出軌

至於健仔則認真地說：「我犧牲咗老婆，幾個月唔可以返北京，犧牲咗夫妻生活！」記者笑言幾個月冇得「搞」，安仔加把口取笑說：「使唔使離婚？」健仔即說：「考我定力，冇法，做運動發洩精力！」安仔慫恿他：「逢場作戲冇所謂！」健仔急忙說：「冇冇冇！老婆會度期嚟探我，仲會煲湯畀我飲。」十分搞笑！