曾索爆的韓君婷，入行多年身形變幻莫測，最經典莫過於02年以紅色泳衣亮相電視節目，當時脹爆的身形被封為「籮霸」。06年，有傳她與陳欣健女兒陳早茵分手而患上厭食症，慘變「火柴人」。闊別香港一段時間的韓君婷，昨日與朱慧珊出席王賢誌公司活動，其「火柴人」身形再現，韓君婷四肢骨瘦如柴、鎖骨盡現，由側面看連以往豐滿的胸部也變得無影無蹤，我見猶憐。

韓君婷的籮霸身形曾掀起全城熱話。 資料圖片

擔任減肥代言人時期的韓君婷，身形索爆。 資料圖片

唔心急結婚

其後她否認暴瘦：「我返咗新加坡幫屋企人做生意，不嬲身形都係咁上下，你哋耐冇見我啫！應該係恭喜我瘦咗咁耐冇肥番！」問到離港一段時間有否找到真命天子，她說：「我喺新加坡大，對當地男仔冇乜感覺，又唔想搵外籍人士，總之你揀人、人揀我啦！我阿媽都未催，如果我急嘅晨早就嫁咗啦！曾經有唔止一個人同我求婚㗎！」一再拒婚的她揚言沒有後悔，加上偶像林青霞亦是遲婚人士，故她一點也不心急。