張栢芝再懷男嬰，老爺謝賢（四哥）昨日開心地說：「有喜、有喜梗係開心！」問到會否為迎接新生命作準備，四哥笑說：「準備咩呀？叫佢執番大佬Lucas啲衫嚟着，栢芝仲會生落去嘛！佢話要生4、5個，個個人都係咁啦！有仔又想要女，我依家冇女（朋友）都想要女呀！」至於栢芝被指暴肥，四哥說：「大肚梗係肥啦！總之我最錫栢芝，孫仔Lucas就係呵護。（會唔會獎勵栢芝？）獎佢生多幾個。」四哥直言從不過問子女的私生活，至於女兒婷婷表示想一家人合作拍戲，四哥笑言只要一日未死都有機會。