鄧紫棋（G.E.M.）獲運動鞋品牌SKECHERS以6位數字邀請擔任東南亞及香港區代言人，日前她為品牌拍攝全新平面廣告時，更有駐場美容師提供即時按摩及修腳甲的服務，G.E.M.說：「今次要影12個造型，要着短裙仔，充滿夏日感覺，不過我對一對小腿好冇信心，成日覺得好肥。依家有97、98磅，已經比開演唱會嗰陣肥咗少少，我想身形再Firm啲，我買咗個Stepper（踏步機）喺屋企啦！（廣告商好錫你？）OK啦！不過遲咗少少，我都係啱啱先知要着涼鞋，真係好冇信心呀！」
G.E.M.早前曾與品牌Crossover推出波鞋，她表示若再有機會設計，希望可以在波鞋上畫魚：「不過我諗冇人會買，我都唔敢話畀人知係我設計，哈哈！」有意置業的她，揚言欲以是次酬勞作首期：「想買一千呎嘅市區單位，同屋企人一齊住！」
