身穿一件黑白色、薄身One-piece的唐詩詠坦言，這件衫是在日本購買，價錢約500多港元，雖然只是日本當地的小品牌，但她卻十分喜歡：「呢件係日本牌子，我一向都鍾意日本嘅衫，尤其是呢件衫個『飛膊位』，因為我身形屬於偏瘦，着起呢件衫後，膊頭就可以橫少少。」
問到詩詠着這類「飛膊裝」時可有甚麼地方要留意？她說：「着衫嗰個人本身要瘦，如骨架大嘅人着就會顯得好大隻，冇咁好睇。」
至於襯衫心得方面，詩詠表示最重要的是舒適，所以很喜歡Layer（層次）的着衫方法：「日本人着衫成日都好靚，係因為佢哋好畀心機咁襯啲Layer，而香港人就懶少少，我都好懶，如果唔係做嘢，我都着得好求其！」至於今年的衣着走勢，詩詠則看好一些很搶眼的顏色如螢光黃等。