吳日言（Yan）出門必帶的隨身袋，正是七成「港女」必備的Gucci化妝袋，Yan表示貪其體積細細但容量大，除可做化妝袋外，又可以變做證件袋，將所有回鄉證、身份證及Passport塞入袋中，方便過關時攞證件，不用在關口時才左摷右摷，費時失事。
Yan在化妝袋內放了胭脂、潤唇膏、潤手霜及面油紙，她說：「我鍾意化淡妝，所以唔會帶好多化妝品喺身，但呢幾樣護膚品就一定會帶，因為冇咗呢幾樣隨身物品，我就會覺得好唔自在。」
Yan特別推介她至愛的MAC胭脂：「我一向都鍾意用呢隻牌子嘅化妝同護膚品，揀呢款粉紅色胭脂，係因為我用過咁多隻胭脂後，覺得呢隻粉紅色最自然，只要喺兩頰搽少少，成個人都精神晒，唔使面青青。」至於買Anna Sui面油紙，原因就比較「特別」，她笑說：「雖然有啲人問我點解要買盒50幾蚊嘅面油紙，十幾蚊都買到啦！但我覺得市面上好少有咁靚包裝嘅面油紙，所以覺得貴啲都抵，女仔一向貪靚o架啦！」