徐子珊、高鈞賢、薛家燕、陳小寶和陳細潔等，昨日出席由太陽報愛心基金、東方日報慈善基金及保良局合辦的《關懷長者心地區安老服務計劃》，向長者派愛心禮物包。薛家燕獲一名長者影迷執筆題字祝福，談到人口老化問題，她眼泛淚光說：「老人家以前係社會棟樑，係咪要做番啲嘢回饋佢哋？好似我爸爸今年都95歲，佢哋要嘅關懷只不過係幾句噓寒問暖！」家燕姐認為政府在老人問題上投放的資源不足。她亦有留意安老院發生的虐老事件，並呼籲日後若有同類情況發生，旁人可協助舉報：「諗緊喺我間學校舉辦興趣班，為長者提供免費跳舞、唱歌課程。」

家燕姐向長者派禮物包，大受歡迎。

陳小寶（右三）和陳細潔等為長者送暖。

子珊演奸角怕被定型

而子珊被喚《美麗高解像》劇中角色名字「高青」，她說：「嚟緊仲有兩部電影演反派，唔想被定型，好彩嚟緊開劇做番正派。」至於高鈞賢則客串新劇《情人眼裏高一D》，劇中戴長假髮扮演巨星，他說：「如果要留長，起碼要一年！做其他工作好似唔係咁方便。」據悉《情》劇演員愛爆肚，令子珊捧腹大笑！