將於紅館演粵劇的陳寶珠，昨日與無綫總經理陳志雲錄影特輯，粵劇愛好者陳總，即場與寶珠姐分享心得。寶珠姐希望是次特輯，能令青年人認識粵劇，講到開班授徒，她說：「我仲係學習階段，成日做先可以熟能生巧，我依家不斷綵排將演出嘅《俏柳紅梅繫寶珠》，好忙！」而陳志雲雖然喜歡粵劇，卻謙稱不會粉墨登場。
對於愛將崔建邦涉打人，陳志雲說：「佢依家肯講，有進步！希望佢快啲企番起身！（請佢上《志雲飯局》剖白？）有諗過，不過交咗畀警方，唔方便講，佢唔想講任何嘢傷害任何人！」對於愛將鄧健泓被指在《勁歌》表現輕挑，志雲說：「未接觸佢，我估佢搞氣氛，唔係挑戰公司！（鄧健泓係環球歌手冇被封殺喎！）佢係無綫經理人合約，總之唔唱歌就得。」