本月底將推出廣東碟的學友，昨日與參演《沒有牆的世界》的朱茵、楊愛瑾、盧海鵬及張達明出席啟播儀式。提到HKRIA與無綫反面，他坦言不擔心新碟受影響：「呢啲要配合天時地利人和，唔係我可以控制，做藝人盡量做好本分！」屬自由身的學友與無綫沒有合約，但他也向唱片公司了解事件，得知無綫講明「冇得傾」，他說：「咁都冇法，傾都冇得傾就封殺，好好笑，做乜先得o架？」

張學友在活動上大玩遊戲，氣氛融洽。

情人節生日的楊愛瑾，拉着張達明做訪問，場面搞笑。

當頒獎禮係遊戲

他狠批無綫投放較少資源給歌手，近年音樂性質節目也不夠：「歌手簽得畀佢哋，應該畀多啲支持，唔好下下自己話晒事，封殺邊個邊個！唱片公司同電視台係互惠性合作，權利義務係相對，畀好少資源，但有好多要求，唔係幾公平。」《勁歌頒獎禮》將至，四大唱片公司歌手將大受影響，學友無奈地說：「頒獎禮我講到口臭，公唔公平都算，當係一個遊戲！」對四大近日與有線及亞視洽談MV播放事宜，他說：「都要搵出路，MV喺唔同電視台播，對歌手更有利！（打破無綫壟斷？）都可能！」但他表示未收到通知會否亮相其他電視台宣傳。

此外，學友承認在電影《72家租客》收足片酬：「只係我冇加價亦冇減價！（無綫演員得利是？）佢哋幫公司做嘢，我一向冇收無綫人工，我知個個有收錢，但幾多就唔知，公唔公平係佢哋自己認為！」